Azərbaycan Dövlət Neft Şirkəti SOCAR-ın İsrailin Aralıq dənizi hövzəsində ən iri qaz yataqlarından biri olan və böyük önəm daşıyan “Tamar” layihəsində 10 faiz paya sahib olması rəsmiləşib.

APA xəbər verir ki, bu barədə İsrail mətbuatı məlumat yayıb.

Məlumata görə, bu barədə qərar İsrailin Neft Şurası və Antiinhisar İdarəsi tərəfindən təsdiqlənib. Bununla da, SOCAR İsrailin təbii qaz bazarına çıxış imkanı qazanıb.

Qeyd edək ki, 31 yanvar 2025-ci il tarixində SOCAR “Union Energy” şirkəti ilə İsrailin Aralıq dənizi hövzəsində ən iri qaz yataqlarından biri olan və böyük önəm daşıyan “Tamar” layihəsində effektiv olaraq 10 faiz payın alınması üzrə müqavilə imzalayıb.

Müqavilənin qüvvəyə minməsi üçün müəyyən şərtlərin yerinə yetirilməsi, o cümlədən müvafiq qaydada tənzimləyici və digər təsdiqlərin alınması tələb olunurdu.