Neftə olan tələbat aktiv şəkildə bərpa olunur, lakin hələ də 2019-cu ilin səviyyəsinə çatmayıb.

"APA-Economics"in məlumatına görə, bu barədə Rusiyanın Baş nazirinin müavini Aleksandr Novak RBC telekanalına verdiyi müsahibəsində bildirib.

"Bu günə qədər bazar gündəlik 95-96 mln. barel səviyyəsində bərpa olunub. Gələn il bu nisbət yenə eyni olsa, 2019-cu ilin səviyyəsinə çatacağıq", - A. Novak qeyd edib.

Baş nazir onu da əlavə edib ki, avtomobil nəqliyyatı və aviasiya sənayesində neft məhsullarının istehlakını götürsək, aviasiyada böhran öncəki səviyyənin 75%-ni təşkil edib, avtomobil nəqliyyatında isə 100%-ə çatıb.