İnkişafa və İslahatlara Dəstək İctimai Birliyinin rəhbəri Ramil Əliyev Prezident İlham Əliyevin çıxışında səsləndirilən fikirlərin ictimai nəzarətin gücləndirilməsi baxımından xüsusi əhəmiyyət daşıdığını bildirib.
QHT.az xəbər verir ki, onun sözlərinə görə, təşkilatın əsas missiyası ölkədə mövcud haqsızlıqlara və özbaşınalığa qarşı ictimai mövqeni gücləndirməkdir: "Bizim ictimai fəaliyyətimizin əsas məqsədi haqsızlıqlara, məsuliyyətsiz məmurlara qarşı çıxmaq, ədalətin və şəffaflığın təmin edilməsinə töhfə verməkdir. Real vəziyyəti Cənab Prezidentə çatdırmaq və vəzifə səlahiyyətlərindən sui-istifadə edən məmurların layiqli cəzasını almasına nail olmaq niyyətindəyik".
Ramil Əliyev əlavə edib ki, dövlətə sədaqətlə xidmət edən şəxslərə süni maneələrin yaradılması yolverilməzdir:
“Ədalətli, şəffaf və məsuliyyətli idarəçiliyin təmin olunması istiqamətində fəaliyyətimizi qətiyyətlə davam etdirəcəyik".