Belçikanın Azərbaycandakı səfiri Julyen de Frepon mina hadisəsində həlak olan şəxs ilə bağlı başsağlığı verib.

Səfir bu barədə sosial media hesabında paylaşım edib.

"Vəzifə borcunu yerinə yetirərkən faciəvi şəkildə həyatını itirən Mətili Muğanın ailəsinə və həmkarlarına dərin hüznlə başsağlığı verirəm. Düşüncələrim ANAMA və Azərbaycanın təsirlənmiş bölgələrində minatəmizləmə səylərində cəsarətlə çalışanlarladır”, - o qeyd edib.

Ətraflı
Qeyd edək ki, bu gün işğaldan azad edilmiş Füzuli rayonu Aşağı Əbdürrəhmanlı kəndi ərazisində mina hadisəsi baș verib.

ANAMA əməkdaşı 1995-ci il təvəllüdlü Mətili Muğan Rəfayıl oğlu xidməti vəzifəsini yerinə yetirərkən tank əleyhinə mina partlayışı baş verib. Hadisə nəticəsində əməkdaş həyatını itirib.