Münaqişə dövründə itkin düşmüş və girov götürülmüş şəxslərin ailə üzvlərindən və yaxın qohunlarından 11 mindən artıq bioloji nümunələr toplanıb və məlumat bankına daxul edilib.

APA xəbər verir ki, bunu Dövlət Təhlükəsizliyi Xidmətinin Hərbi-tibb baş idarəsinin rəisi, tibb xidməti general-mayoru Rüfət Əliyev “İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda keçirilən beynəlxalq konfransda çıxışı zamanı deyib.

Ətraflı
O qeyd edib ki, Azərbaycana qarşı hərbi təcavüz nəticəsində naməlum meyitlərin aşkarlanması məqsədilə Prezidentin 2022-ci ildə imzaladığı sərəncamla dövlət büdcəsinə vəsait ayrılıb. Bütün xərclər dövlət büdcəsi hesabına ödənilib.

Bildirilib ki, itkin düşmüş bütün şəxslərin taleyi müəyyən edilənədək prosesə davam ediləcək.