Tufarqanda su çatışmamazlığı problemi yaşanır Güney Azərbaycan

Tufarqanda su çatışmamazlığı problemi yaşanır

Güney Azərbaycanın təxminən bütün vilayətlərində (ostan) içməli və əkinçilik suyu ciddi problemə çevrilib. Suyun azlığı və əkinçilik üçün nəzərdə tutulan quyu sularının həddən artıq duzlu olması Güney Azərbaycanın Tufarqan (Azərşəhr) şəhərini çətinliklə üzləşdirib. Bu barədə məlumat verən Tufarqanın icra başçısı (fərmandar) deyib ki, "bu şəhər Şərqi Azərbaycan Vilayətində (ostan) əkinçilik sahəsində əsas qütblərdən biridir. Təəssüf olsun ki, əkinçilik suyunun çatışmamazlığı və quyu sularının həddən artıq duzlu olması bir sıra çətinliklər yaradıb."
Heydər Sadiqi Tufarqanın Silab kəndində əkinçiliyə xüsusi diqqətin yetirilməsini vacib sayaraq bəyan edib ki, "əkinçiliyi inkişaf etdirmək və istehsalı artırmaq özünü təminin əsas göstəricilərindəndir. Kəndləri istehsal və iş mərkəzi adlandıran icra başçısı əkinçiliyin inkişafı üçün su və torpağın yetəri qədər olmasını vacib sayıb."
H.Sadiqi sözlərinin sonunda yerli məsulları kənd əhalisi ilə birgə əməkdaşlıq edib və kəndlilərin problemlərini aradan qaldırmağı məsləhət görüb.