"Sumqayıt" futbol klubu Vüsal İsgəndərli, Stiven Pereira və Damian Daniçiçin ardınca növbəti transferini rəsmiləşdirib.

Bu barədə klubun mətbuat xidmətindən bildirilib.

Məlumata əsasən, son olaraq Qazaxıstanın "Maktaaral" klubunda çıxış etmiş cinah yarımmüdafiəçisi Rifat Nurmuqametlə 1+1 illik müqavilə imzalanıb.
“Kayrat”ın yetirməsi olan futbolçu karyerası boyunca "Jetısu" və "Aktobe" klublarında da çıxış edib. İyirmi altı yaşlı futbolçu Qazaxıstanın U-21 millisinə də dəvət alıb.