Azərbaycanın güllə atıcısı Vladislav Kalmıkov Serbiyanın Smederevo şəhərində gənclər arasında keçirilən “Walther Youth Cup” turnirində gümüş medal qazanıb.

Azərbaycan Atıcılıq Federasiyasından AZƏRTAC-a verilən məlumata görə, o, pnevmatik tapançadan 10 metr məsafəyə atəş üzrə final mərhələsində 235.0 xal toplayıb.

Qeyd edək ki, turnirdə 12 ölkədən 320 idmançı mübarizə aparıb.