“Azərbaycan NATO ilə əməkdaşlığı daima genişləndirir və özünün silahlı qüvvələrini onun yüksək tələbləri səviyyəsində qurmağa çalışır”.

Bunu xalqcebhesi.az-a Milli Məclisin deputatı Aydın Mirzəzadə bildirib.

A.Mirzəzadə söyləyib ki, biz xaricdən öz müdafiəmiz üçün ən müasir silahlar almağa, onu işlədə biləcək mütəxəssislərin hazırlanmasında maraqlıyıq: “Hərbçilərimiz NATO tədbirlərində iştirak edirlər, NATO keçirən təlimləri müşahidə edirlər və Azərbaycan Silahlı Qüvvələrini ən yüksək tələblər səviyyəsində formalaşdırmağa çalışırlar. NATO-nun bizim hərbi helikopterlərlə bağlı verdiyi qiymət bizim üçün əhəmiyyətlidir. Qeyd edim ki, başqa situasiyalarla da bağlı Azərbaycan həmişə NATO-dan yüksək qiymətlər alıb”.

Röya İsrafilova