Sport24: Tacikistanın “İstiqlol” klubu “Spartak”la oyunu ləğv etdi

Tacikistan klubu “İstiqlol” Moskva şəhərində “Spartak”la yoldaşlıq oyunu keçirməkdən imtina edib.

Xalqcebhesi.az xəbər verir ki, bu barədə klubun baş direktoru Şahzoda Sulaymonovun sözlərini Sport24 nəşri yayıb.

“Bizə ‘Spartak’dan Moskvada yoldaşlıq oyunu keçirmək təklifi gəldi, lakin biz bu variantdan imtina etdik. O zaman bir çox ‘İstiqlol’ oyunçusu məzuniyyətdə olacaqdı və biz Moskvaya səfər üçün heyəti toplaya bilməzdik”, - deyə o bildirib.

Hazırda “İstiqlol” Tacikistan çempionatının turnir cədvəlində dördüncü pillədə qərarlaşıb.

2024/25 mövsümünün Rusiya Premyer Liqasını “Krasnodar” 67 xalla birinci pillədə başa vurub. Komanda son turda Moskvanın “Dinamo” klubunu 3:0 hesabı ilə məğlub edərək RPL çempionu olub. 2008-ci ildə yaradılmış klub üçün bu, tarixində ilk çempionluqdur.

İkinci yeri 66 xalla “Zenit”, üçüncü yeri isə 59 xalla Moskva “CSKA”sı tutub. 57 xalla dördüncü yerdə isə paytaxtın “Spartak” klubu qərarlaşıb.

Bundan əvvəl Avropanın aparıcı klublarından biri siyasi səbəblərə görə “Krasnodar” futbolçusunun transferindən imtina etmişdi.

Məryəm Quliyeva