UEFA Konfrans Liqasının II təsnifat mərhələsində "Zirə" ilə qarşılaşacaq Xorvatiyanın "Hayduk" kollektivi paytaxt təmsilçisinin akademiyasının üzvü Fərid Şahverdiyevin faciəvi şəkildə vəfatı ilə bağlı başsağlığı verib.

"Report" xəbər verir ki, bu barədə sabah üz-üzə gələcək komandaların oyunundan öncə baş tutan mətbuat konfransında bildirilib.

Split təmsilçisinin mətbuat xidmətinin rəhbəri klubun bu xəbərdən kədərləndiyini söyləyib.

Qeyd edək ki, "Zirə"nin U-16 komandasının futbolçusu Fərid Şahverdiyev bir neçə gün əvvəl çimərlikdə boğularaq dünyasını dəyişib.