“Barselona” danimarkalı futbolçusu Andreas Kristensenlə müqavilənin müddətini uzadıb.

Bu barədə Kataloniya klubunun mətbuat xidməti məlumat yayıb.

30 yaşlı müdafiəçi ilə yeni anlaşma 2028-ci ilin yayına qədər nəzərdə tutulub.

Qeyd edək ki, Andreas Kristensen 2022-ci ildən “Barselona”nın formasını geyinir. O, Kataloniya təmsilçisinin heyətində indiyədək 98 oyunda meydana çıxıb, 5 qol vurub və 3 məhsuldar ötürmə verib.