Belarus Prezidenti Aleksandr Lukaşenko respublikanın Müstəqillik Günü ərəfəsində 32 nəfəri əfv edib ki, onlardan 28-i ekstremist yönümlü cinayətlərə görə məhkum olunmuş şəxslərdir.

Xalqcebhesi.az xəbər verir ki, bu barədə Belarus prezidentinin mətbuat xidmətinə yaxın olan "Pul pervogo" Telegram kanalı məlumat yayıb.

Dövlət başçısı tərəfindən 20 qadın və 12 kişi əfv olunub. Telegram kanalının paylaşımında qeyd edilir ki, qərar "məhkumlara və onların ailələrinə qarşı humanistlik prinsipi əsasında" qəbul edilib.

Məlumata görə, onların hamısı günahlarını etiraf edərək və peşman olaraq əfv olunma haqqında vəsatət qaldırıblar.

Məryəm Quliyeva