“Beşiktaş” “Liverpul”un misirli futbolçusu Məhəmməd Salahın transferini reallaşdırmağa yaxındır.

"TRT Spor" xəbər verir ki, İstanbul təmsilçisi 33 yaşlı hücumçu ilə razılığa gəlib.

Misirli futbolçu ilə 1+1 illik müqavilə imzalanacaq.

“Beşiktaş” rəhbərliyi yaxın 2-3 gün ərzində Salah ilə görüşərək keçidi rəsmiləşdirməyi planlaşdırır.

Qeyd edək ki, o, ötən mövsüm “Liverpul”un heyətində bütün turnirlərdə 41 oyuna çıxıb. Misirli oyunçu 3150 dəqiqə meydanda qalaraq 12 qol vurub və 10 məhsuldar ötürmə edib.