Çin və Cənubi Afrika Respublikası hesab edir ki, Rusiya-Ukrayna münaqişəsi siyasi yolla - dinc danışıqlar yolu ilə həll edilməlidir.

Bu barədə Çin Prezidenti Si Cinpin və Cənubi Afrika Respublikasının Prezidenti Siril Ramafosa arasında Pekində keçirilən danışıqların yekunları üzrə iki ölkənin birgə bəyanatında deyilir.

Sənəddə deyilir: “Hər iki tərəf inklüziv dialoq və dinc danışıqların böhranın davamlı həllinin tapılmasının yeganə mümkün siyasi yolu olduğu barədə razılığa gəliblər”.

Çin və Cənubi Afrika münaqişə tərəflərini üç prinsipə riayət etməyə çağırır: “döyüş meydanının genişlənməsinə yol verməmək, hərbi əməliyyatların genişlənməsinə imkan verməmək və heç bir tərəfin ocağa yağ tökməsinə imkan verməmək”.

Cavid