23:00

Moskvanın cənub-qərbində yerləşən yaşayış binasının doqquzuncu mərtəbəsindəki mənzildə partlayış və sonradan yanğın baş verib.

Xalqcebhesi.az xəbər verir ki, bu barədə TASS-a məlumat yayıb.

“İlkin məlumatlara görə, General Tyulenev küçəsindəki yaşayış binasında doqquzuncu mərtəbədə partlayış və sonradan yanğın baş verib. Hazırda iki mənzil yanır, səkkizinci və doqquzuncu mərtəbələr arasında uçqun olub”, - deyə bildirilib.

Hadisə nəticəsində uşaqlar da daxil olmaqla 12 nəfər yaralanıb.

***

General Tyulenev küçəsində baş verən partlayışda 2 nəfər ölüb, 6 yaralı var.

Bu barədə Rusiya hüquq-mühafizə orqanları məlumat yayıb.