Rusiya prezidenti Vladimir Putin Çin lideri Si Cinpinlə telefonda danışıb.

APA-nın Moskva müxbiri xəbər verir ki, bu barədə Rusiya prezidentinin köməkçisi Yuri Uşakov bildirib.
Onun sözlərinə görə, söhbət mehriban və konstruktiv keçib.

"Putin və Cinpinlə Yaxın Şərqdə gərginləşən vəziyyəti müzakirə ediblər. Rusiya və Çin İsrailin beynəlxalq hüququ və BMT Nizamnaməsini pozan hərəkətlərini kəskin şəkildə pisləyiblər. Pekin və Moskva vəziyyətin güc yolu ilə həllinin mümkün olmadığını hesab edir. Putin və Cinpin yaxın günlərdə təmasların və fikir mübadiləsinin aparılması üçün iki ölkənin qurum və xidmətlərinə tapşırıqlar verəcəkləri barədə razılığa gəliblər", - Kreml rəsmisi qeyd edib.

Uşakov qeyd edib ki, Putin və Çibpin 31 avqust - 1 sentyabr tarixlərində Tianjində keçiriləcək Şanxay Əməkdaşlıq Təşkilatı sammiti çərçivəsində görüşəcəklər. "Onlar
sentyabrın 2-dək itərəfli danışıqlar aparacaq. Putin və Cinpin həmçinin militarist Yaponiya üzərində Qələbənin və İkinci Dünya Müharibəsinin başa çatmasının 80 illiyinə həsr olunmuş bayram tədbirlərində də iştirak edəcəklər. Bu, sentyabrın 3-ü Pekində olacaq".