İndoneziya Prezidenti Prabowo Subianto, Fələstinə 10 min ton düyü yardımı göstərilməsi barədə göstəriş verib.

Xalqcebhesi.az xəbər verir ki, bu barədə İndoneziya Kənd Təsərrüfatı Naziri Andi Amran Sulaiman, Fələstinli həmkarı Rezq Salimia ilə Cakartada keçirdiyi mətbuat konfransında məlumat verib.

Sulaiman bildirib ki, hədiyyə ediləcək düyü artıq hazırdır və çatdırılma üçün Fələstin səfirliyindən razılıq gözlənilir.

Nazir əlavə edib ki, İndoneziya və Fələstin hökumətləri kənd təsərrüfatı sahəsində əməkdaşlıq barədə razılığa gəlib. Sumatra və Borneo adalarında 10–20 min hektar ərazi iki ölkənin ortaq kənd təsərrüfatı layihələri üçün ayrılıb. Bu ərazilərdə yetişdiriləcək məhsullar isə Fələstin xalqına ərzaq yardımı kimi göndəriləcək.

Məryəm Quliyeva