Fələstin radikal hərəkatı HƏMAS, Qəzza zolağında saxlanılan girovların azad edilməsi ilə bağlı təklifdən imtina edir və vəziyyətin nizamlanması üzrə danışıqlarda yerinə yetirilməsi mümkün olmayan şərtlər irəli sürür.

Xalqcebhesi.az TASS-a istinadən xəbər verir ki, bunu brifinqdə İsrail hökumətinin rəsmi nümayəndəsi Devid Menser bildirib. O qeyd edib ki, İsrail hələ də HƏMAS-dan vasitəçilər vasitəsilə rəsmi cavab gözləyir.

"Amma bu günə qədər mən deyə bilərəm ki, HƏMAS, İsrailin razı olduğu girovların azad edilməsi təklifindən imtina edir," deyə Menser əlavə edib.

Əvvəlki məlumatlara görə, Fələstin hərəkatı İsraillə atəşkəs və girovların azad edilməsi ilə bağlı razılığa gəlib və razılaşma bir neçə gün ərzində imzalana bilərdi.

Məryəm Quliyeva