Türkiyənin daxili İşlər naziri Əli Yerlikaya sosial media hesabında verdiyi açıqlamada son iki həftədə İstanbul, İzmir və Antalya daxil olmaqla 26 vilayətdə FETÖ-yə qarşı jandarma tərəfindən əməliyyatlar keçirildiyini bildirib.

Əməliyyatlar haqqında məlumat verən Yerlikaya qeyd edib ki, 77 şübhəli sosial mediada FETÖ təbliğatını yaymaq, təşkilatın mövcud strukturu daxilində fəaliyyət göstərmək, təşkilat üzvləri ilə taksofon vasitəsilə əlaqə saxlamaq, terror təşkilatına bağlı sözdə yardım təşkilatlarını maliyyələşdirmək kimi cinayətlərdən axtarışda olduqlarını qeyd edib.

Nazir şübhəlilərdən 56-nın həbs olunduğunu, 21-i haqqında məhkəmə prosesinin davam etdiyini, əməliyyatlar zamanı çoxlu təşkilati sənəd və rəqəmsal materialın ələ keçirildiyini bildirib.