Britaniya, ABŞ və Norveç Amerika təyyarədaşıyıcısı üçün təhlükə yarada biləcəyi iddia edilən Rusiya sualtı qayığının axtarışına azı iki gün sərf ediblər.

Bu barədə "The Sun" yazır.

Nəşr yazır: “İxtisaslaşdırılmış “Poseidon” sualtı ovçu təyyarələri bazar günündən bəri 27 döyüş uçuşu həyata keçirib.

Kral Hərbi Hava Qüvvələri Şotlandiyanın RAF Lossiemouth hava limanından P-8A Poseidons təyyarələrinin səkkiz uçuşu həyata keçirib. Norveç Hərbi Hava Qüvvələri Narvik yaxınlığındakı Evenesdən üç uçuş həyata keçirib. ABŞ Hərbi Dəniz Qüvvələri İslandiyadakı bazadan istifadə etdi, lakin əməliyyatın miqyası Siciliyadan ən azı iki ABŞ Poseydonunun gücləndirilməsini tələb etdi.

Poseidon təyyarələri sualtı qayıqları ovlamaq üçün bir sıra sensorlar və sonarlarla təchiz olunub. Böyük Britaniyanın müdafiə mənbəsi missiyanın “olduqca qeyri-adi” olduğunu bildirib.

Cavid