Almatı-Bişkek şosesində ölümlə nəticələnən yol qəzası baş verib.

APA “Kazinform”a istinadən xəbər verir ki, Almatı-Bişkek şosesinin 107-ci kilometrliyində “Lexus” və “Toyota Alphard” markalı avtomobillər toqquşub.

Polisin məlumatına görə, “Lexus”un sürücüsü qarşıdakı zolağa çıxıb. Qəza nəticəsində 8 nəfər hadisə yerində ölüb, iki nəfər xəstəxanaya yerləşdirilib.

İstintaq başlanılıb.