“Trampla Netanyahu arasında baş tutan görüşdə düşünürəm ki, əsas diqqət edilməli olan Qəzza məsələsi, ABŞ-nin İsrail ilə müttəfiqlik məsələsi, ABŞ-nin verəcəyi dəstək məsələsidir. Yəni əsas müzakirə olunan məsələlər bu istiqamətlər üzrədir. Hər halda bu görüşdə Yaxın Şərqdə baş verən proseslər də müzakirə predmetidir, eyni zamanda, ABŞ-nin göstərəcəyi dəstək məsələsi çox önəmlidir”.

Bunu “Xalq Cəbhəsi”nə açıqlamasında politoloq Samir Hümbətov deyib.

Politoloq qeyd edib ki, Fələstin dövlətinin tanınmasından tutmuş Yaxın Şərqdə son baş verən proseslər hər biri müzakirə olunan mövzulardır: “Nəzərə almaq lazımdır ki, bir neçə gün öncə ABŞ və Türkiyə liderləri arasında da görüş keçirildi. Düşünürəm ki, bu da Tramp və Netanyahu görüşünə təsir edən amillərdəndir. Ona görə də Netanyahu Tramp görüşündə həm ikili münasibətlər, həm regional münasibətlər, Qəzza məsələsi, eyni zamanda İsrailin region dövlətlərinə münasibətləri və s. əsas müzakirə predmetlərindən biri olub”.

Röya İsrafilova