Kişinyov hava limanında sərnişinin baqajında partlayıcı qurğu aşkarlanıb.

APA xəbər verir ki, bu haqda “Radio Chișinău” məlumat yayıb.

Sərnişinlər və hava limanı personalı təxliyə edilib, hadisə yerinə sərhəd polisi və Daxili İşlər Nazirliyinin xüsusi bölmələrinin əməkdaşları cəlb olunub.

İlkin məlumata görə, yükün sahibi Albaniya vətəndaşı olub və o, hava limanından qaçıb.

Hazırda hüquq-mühafizə orqanları onun axtarışlarını davam etdirir.