İranın sabiq prezidenti Əli Əkbər Haşimi Rəfsəncaninin qızı Faizə Rəfsəncaniyə qarşı məhkəmə işi açılıb.

APA İran mediasına istinadən xəbər verir ki, buna səbəb Faizə Rəfsəncaninin atasının ölümü ilə bağlı çıxışı olub.

Faizə Rəfsəncani atasının xalqın yanında olduğu üçün və hakimiyyətin siyasətini tənqid etdiyinə görə sui-qəsdlə öldürüldüyünü iddia edib.

Bu iddiadan sonra İranın Ədliyyə Nazirliyi sabiq prezidentin qızına qarşı iş qaldırıb, Faizə Rəfsəncani fikirlərinə aydınlıq gətirməsi üçün məhkəməyə çağırılıb.

Qeyd edək ki, 2017-ci ildə vəfat edən Əli Əkbər Haşimi Rəfsəncani 1989-1997-ci illərdə İranın prezidenti olub. Rəfsəncaninin ürəktutmasından öldüyü bildirilsə də, ailəsi buna şübhə ilə yanaşır.