İranın müxtəlif əyalətlərinə yaşayan qaşqay türkləri Qaşqayi əyalətinin yaradılması və ya onların kompakt yaşadıqları əyalətlərdənnbirinə Qaşqayi adının verilməsi tələbi ilə imza kampaniyası başladıblar.

Gunaz.tv

Bu haqda onlar sosial media şəbəkəsində məlumat yayıblar.

Məlumata görə, kampaniyanın başladılmasından keçən 3 gün ərzində 28 mindən çox qaşqay türkü bununla bağlı petisiyaya imza atıb.

Qeyd edək ki, qaşqay türkləri əsasən İranın Şiraz, İsfahan, Çaharmahal və Bəxtiyari və Buşehr əyalətlərində, qismən isə Xuzistan, Köhgiluye və Boyer Əhməd əyalətlərində yaşayırlar.

Onlar saylarının təxminən 3 milyon olduğunu bildirsələr də, İran hökumətinin 2016-cı ilə olan rəsmi statistikasında 959 min nəfərin qaşqay türkcəsində danışdığı iddia edilib..