Ukrayna prezidenti Vladimir Zelenski Hollandiyanın Haaqa şəhərində Moldova prezidenti Maya Sandu ilə görüşüb.

Xalqcebhesi.az xəbər verir ki, bu barədə Ukrayna lideri özünün Telegram kanalında məlumat verib.

"Moldovaya dəstək və əməkdaşlıq etmək istəyi üçün təşəkkür edirəm", - deyə Zelenski yazıb.

Siyasətçi həmkarı ilə mümkün tərəfdaşlıq sahələrini müzakirə etdiyini və gələcək əlaqələr barədə razılığa gəldiyini qeyd edib.

Zelenski həmçinin Sandu ilə Ukraynadakı münaqişənin həlli, ona təhlükəsizlik zəmanətlərinin verilməsi səyləri barədə danışıb və hər iki ölkənin Avropa İttifaqına mümkün daxilolmasını müzakirə edib.

Məryəm Quliyeva