Rusiya Ukrayna münaqişəsinin həllində göstərdiyi köməyə görə Türkiyəyə minnətdardır və danışıqlar prosesini davam etdirməyə hazırdır.

Xalqcebhesi.az xəbər verir ki, bunu jurnalistlərə Rusiya prezidentinin mətbuat katibi Dmitri Peskov Rusiya və Türkiyə liderlərinin Ukrayna üzrə İstanbul danışıqlarının bərpasını müzakirə edib-etməməsi ilə bağlı TASS-ın sualına cavab verərkən deyib.

"Türkiyə tərəfi öz xidmətlərini təklif etməyə davam edir və buna görə türk dostlarımıza minnətdarıq. Danışıqlar prosesinin davam etdirilməsi üçün bütün şəraiti təmin etməyə hazırıq", - Kreml sözçüsü bildirib.

“Əlbəttə ki, Türkiyə tərəfinin öz maraqları var ki, bu da bizim maraqlarımızla bir çox cəhətdən üst-üstə düşür”, - Peskov əlavə edib.

Məryəm Quliyeva