ABŞ prezidenti Donald Tramp, Kolumbiya prezidenti Gustavo Petronu Latın Amerikası ölkəsində narkotik istehsalçılarını alqışlamaqda günahlandıraraq, Kolumbiya rəhbərliyini narkotik kartellərinə qarşı mübarizəni gücləndirməyə çağırıb.

Xalqcebhesi.az xəbər verir ki, bu barədə Tramp Florida ştatının Vest Palm Biç yaxınlığındakı Mar-a-Laqo malikanəsində jurnalistlərə bildirib.

"O (Kolumbiya prezidenti) diqqətli olmalıdır, çünki Kolumbiyada kokain istehsal edən narkotik laboratoriyaları var. O, ABŞ-ın dostu deyil. O, özünə diqqət etməlidir, çünki o, kokain istehsal edir və həmin kokaini Kolumbiyadan ABŞ-a göndərirlər"- deyib.

"Biz Kolumbiya xalqını sevirik. Mən də Kolumbiya xalqını sevirəm. Onlar gözəl insanlardır. Amma onların yeni lideri problem yaradandır və o, ehtiyatlı olmalıdır. Siz həmin kokain fabriklərini bağlamalısınız. Üç böyük kokain fabriki var. Biz onların harada olduğunu bilirik. Siz onları tez bir zamanda bağlamalısınız", - deyə Tramp əlavə edib.

Məryəm Quliyeva