İran-ABŞ danışıqları Vaşinqton diktatura siyasətindən əl çəkib dürüst dialoqa girən kimi başlaya bilər.

Xalqcebhesi.az xəbər verir ki, bunu İranın xarici işlər naziri Abbas Əraqçi bildirib.

O, Beyruta çatdıqdan sonra keçirilən mətbuat konfransında bildirib ki, "Amerikalılar danışıqların diktə olmadığını qəbul etdikdə, mənalı danışıqlar başlaya bilər".
Əraqçinin sözlərinə görə, İran, xüsusən də İsraildən gələn görünməmiş təhdidlər qarşısında istənilən vəziyyətə tam hazırdır.

İranın xarici işlər naziri bildirib ki, "Biz müharibə istəmirik, amma buna hazırıq. Biz danışıqlara hazırıq, amma danışıqlar qarşılıqlı hörmətə əsaslanır".

Məryəm Quliyeva