Avropa İttifaqının (Aİ) İslam İnqilabı Keşikçiləri Korpusunu (SEPAH) rəsmən terror təşkilatı kimi tanıması gözlənilir.

APA “Al Arabiyya” telekanalına istinadən xəbər verir ki, bunu Aİ-nin Xarici işlər və təhlükəsizlik siyasəti üzrə ali nümayəndəsi Kaya Kallas deyib.

“Terrorçu kimi hərəkət edirsinizsə, sizinlə terrorçu kimi davranılmalıdır”, - Kallas Aİ ölkələrinin nazirlərinin bu gün keçiriləcək iclasından əvvəl jurnalistlərə açıqlamasında deyib.

Qeyd edək ki, bundan əvvəl Fransa SEPAH-ın terror təşkilatı kimi tanınmasını dəstəkləyəcəyini bəyan edib.