İran Silahlı Qüvvələrinin Baş Qərargahı iddia edir ki, ölkə hərbçiləri İslam Respublikasının mərkəzi rayonları üzərində ABŞ Hərbi Hava Qüvvələrinə məxsus F-35 qırıcısını vurublar.

Xalqcebhesi.az xəbər verir ki, bu barədə bəyanatı İran dövlət televiziyası yayıb.

"ABŞ Hərbi Hava Qüvvələrinin F-35 təyyarəsi vurulub və İranın mərkəzi hissəsinin səmasında qəzaya uğrayıb", — deyə İran Baş Qərargahının nümayəndəsinin məlumatında bildirilir.

Hərbçilərin bildirdiyinə görə, bu, "İslam İnqilabı Keşikçiləri Korpusunun (SEPAH) qabaqcıl hava hücumundan müdafiə sisteminin köməyi ilə" mümkün olub. Onlar həmçinin əlavə ediblər ki, "ekipaj üzvlərinin katapult etməyə vaxt tapması ehtimalı aşağıdır".

Məryəm Quliyeva