İsrail Müdafiə Qüvvələri Qolan təpələri yaxınlığında Suriya ərazisinə keçən bir qrup İsrail vətəndaşının qarşısını alaraq onları yenidən İsrail ərazisinə qaytarıb.

Xalqcebhesi.az xəbər verir ki, bu barədə ordunun mətbuat xidməti məlumat yayıb.

Bildirilib ki, sərhəd hasarını keçən şəxslər hərbçilər tərəfindən aşkar olunub və qısa müddətdə təhlükəsiz şəkildə geri qaytarılıblar. Qayda pozanlar əlavə araşdırma üçün İsrail polisinə təhvil verilib.

Ordu qeyd edib ki, bu hadisə qəti şəkildə pislənir və belə addımlar həm mülki şəxslərin, həm də hərbçilərin təhlükəsizliyini riskə atır.

Məryəm Quliyeva