Livanın paytaxtı Beyrutda İsrailin hava zərbəsi insan tələfatına səbəb olub.

Bu barədə “Al Jadeed” telekanalı məlumat yayıb.

Məlumata görə, şəhərin cənubundakı Cnah rayonuna endirilən zərbə nəticəsində azı 6 nəfər həlak olub. Hadisə yerində xilasedicilər çalışır və ölənlərin sayının arta biləcəyi istisna olunmur.

Bildirilib ki, gecə saatlarında Beyrutda bir neçə güclü partlayış baş verib. Zərbənin çoxmərtəbəli binaya və onun yaxınlığından keçən üç avtomobildən ibarət kortejə endirildiyi ehtimal olunur.

İddialara görə, avtomobillərdə “Hizbullah” üzvləri olub.