“ABŞ-ın İrana qarşı xərcləri ilə bağlı İranın səsləndirdiyi 100 milyard dollarlıq iddia reallığa uyğun görünmür”.

Bunu “Xalqcebhesi.az”a açıqlamasında politoloq Elçin Xalidbəyli bildirib.

O qeyd edib ki, İranın açıqladığı rəqəm ABŞ-ın rəsmi şəkildə elan etdiyi göstəricilərdən dəfələrlə yüksəkdir və inandırıcı hesab oluna bilməz: “Əgər bu rəqəmlər Qərb siyasi dairələri tərəfindən səsləndirilsəydi, müəyyən müzakirə predmeti ola bilərdi, lakin İran tərəfinin iddiaları real görünmür. Bu cür bəyanatlar informasiya savaşının tərkib hissəsidir və tərəflər bir-birinə qarşı siyasi təzyiq yaratmağa çalışır.İran bu iddialarla ABŞ daxilində ictimai-siyasi təzyiqləri artırmağa və Vaşinqtonun beynəlxalq imicinə zərbə vurmağa cəhd edir”.

E.Xalidbəyli əlavə edib ki, ABŞ-da büdcə xərclərinə ciddi nəzarət mexanizmləri mövcuddur və bu miqyasda fərqin gizlədilməsi real görünmür: “Real xərclərin rəsmi açıqlanan rəqəmlərə daha yaxın olduğu ehtimal edilir”.

Günel Elxan