Latviya Belarusla sərhəddə fəaliyyət göstərən tək keçid məntəqəsində avtomobillərin gediş-gəlişini tamamilə dayandırıb.

Bu barədə Belarusun Dövlət Gömrük Komitəsi məlumat yayıb.

Məlumata görə, iyulun 31-i gecə saat 23:00-dan etibarən Latviyanın qərarı ilə "Qriqorovşina" buraxılış məntəqəsindən hərəkət dayandırılıb və hələ də bərpa olunmayıb.

Latviya Daxili İşlər Nazirliyi tərəfindən bildirilib ki, məntəqə texniki səbəblərə görə bağlanıb.