Somalinin paytaxtı Mogadişonun bir sıra Qərb dövlətlərinin səfirliklərinin və beynəlxalq təşkilatların nümayəndəliklərinin yerləşdiyi məhəlləsi minaatan atəşinə tutulub.

Trend-in məlumatına görə, bu barədə Somali Guardian xəbər portalı bildirib.

Məlumata əsasən, zərbə Halane möhkəmləndirilmiş düşərgəsi olaraq bilinən bölgəyə endirilib, Somalidəki Afrika Birliyi Sülhməramlı Missiyasının iki hərbi qulluqçusu yaralanıb. Bir sıra nümayəndəliklərin ofisləri və nəqliyyat vasitələrinə də ziyan vurulub.

Ölkə hökuməti atəş açmaqda "Əş-Şabab" terror qruplaşmasını günahlandırıb.