Tailandda koronavirusun omikron ştammından iki nəfərin ölümü qeydə alınıb.

Trend-in məlumatına görə, bu barədə ölkənin Xarici İşlər Nazirliyinin mətbuat katibinin müavini brifinq zamanı deyib.

Qeyd olunub ki, ölənlərin hər ikisi yaşı 80-dən yuxarı olan qadınlar olub. Qadınlardan biri Altsheymer xəstəliyindən, digəri ağciyər xərçəngindən əziyyət çəkirdi.

Bugünədək Tailandda 2,3 milyondan çox şəxs koronavirusa yoluxub, 22 minə yaxın xəstə vəfat edib. Ölkədə 47,5 milyon çox sakin koronavirusa qarşı tam peyvənd olunub.