ABŞ-ın Almaniyadakı yeni səfirinin adı məlum olub Dünya

ABŞ-ın Almaniyadakı yeni səfirinin adı məlum olub

ABŞ Senatı Emi Qutmanı ABŞ-ın Almaniyadakı səfiri vəzifəsinə təyinatını təsdiqləyib.

Bu barədə məlumatı Konqresin yuxarı palatasının mətbuat xidməti yayıb.

Prezident Co Baydenin təklif etdiyi namizədin lehinə 54, əleyhinə isə 42 senator səs verib.

Politoloq Qutman 2004-cü ildən Baydenin yaxından əlaqəli olduğu Pensilvaniya Universitetinin prezidentidir. Bundan əvvəl o, Princeton və Harvard da daxil olmaqla, digər böyük Amerika universitetlərində çalışıb.