Qardaşım döyüşlərə könüllü qatılıb və Azərbaycan ərazilərinin işğal altında olması ilə barışmırdı.

Trend-in məlumatına görə, bunu Şəhid Dmitri Solnçevin bacısı Yuliya Solnçevna bildirib.

O qeyd edib ki, qardaşı Azərbaycan Neft və Sənaye Universitetini bitirib və Tibbi Ərazi Bölmələrinin İdarəetmə Birliyində çalışıb:

"O koronavirus infeksiyasının müalicəsi prosesində könüllü iştirak edib. Sentyabrın 21-də isə könüllü olaraq orduya yazılıb və təlimlərə qatılıb. Ermənilərin təxribatı dan sonra könüllü olaraq cəbhəyə yollanıb. Azərbaycanda yaşaması ilə fəxr edirdi. Azərbaycan torpaqlarının işğalı ilə barışmırdı. Elə ona görə də cəbhəyə könüllü yollandı və şəhid oldu".