ABŞ-ın 23 ştatından olan 75 konqresmen Ermənistan və Qarabağa 2021-ci ildə yardımın artırılmasına dəstəklə bağlı məktuba imza atıblar.
Bu barədə məlumatı Amerika Erməniləri Milli Komitəsi yayıb. Məlumata görə, konqresmenlərin məktubu ABŞ Dövlət və Xarici Əməliyyatlar üzrə Alt Komitənin nümayəndələrinə göndərilib.
Məktubda Qarabağda minalardan təmizləmələrin gerçəkləşdirilməsi üçün 1,5 milyon dollar, Ermənistanda iqtisadiyyat, təhlükəsizlik və qanunun aliliyinə yardım üçün 100 milyon dollar ayrılması tələb edilib. Bundan başqa konqresmenlər Qarabağ nümayəndələrinin ABŞ-a gəlməsiylə bağlı Dövlət Departamentinin bütün məhdudiyyətləri ləğv etməsini, ABŞ-ın Azərbaycana istənilən hərbi yardımı dayandırmasını tələb ediblər.