Erməni mətbuatı XİN başçısı Zöhrab Mnatsakanyanın Rusiyanın XİN rəhbəri Sergey Lavrovla danışığından sonra səhhətində yaranan problemlərdən yazıb.

"168 Jam"ın öz mənbələrinə istinadla verdiyi məlumata görə, Mnatsakanyanın kabinetində qəfildən vəziyyəti pisləşib. Təcili yardım çağırılıb, elə kabinetində ona tibbi yardım göstərilib. İlkin tibbi rəyə görə, onun təzyiqi qalxıb.

Qəzet yazır ki, nazirin səhhəti pisləşməzdən öncə rusiyalı həmkarı Sergey Lavrovla telefon danışığı olub. Nazirlər arasında söhbət ağır keçib. Qzəetin qənaətinə görə, Mnatsakanyanın halının pisləşməsi məhz bundan yaranıb.