Dağıstanda koronavirus testi müsbət çıxan və ikitərəfli sətəlcəm diaqnozu qoyulmuş polis əməkdaşı dünyasını dəyişib.
Bu barədə respublikanın Daxili İşlər Nazirliyi rəsmi “İnstagram” rəsmi hesabında məlumat yayıb.
Bildirilib ki, ikitərəfli sətəlcəmdən müalicə olunan polis polkovniki Maqomed Maqomedov mayın 4-də, Moskva vaxtı ilə 22:40-da Dağıstan Daxili İşlər Nazirliyinin tibb məntəqəsində qəflətən dünyasını dəyişib. O, Dağıstanda koronavirusdan ölən sayca 4-cü polis olub.
Qeyd edək ki, bir həftədən az bir müddətdə Dağıstan Daxili İşlər Nazirliyinin analoji diaqnoz qoyulmuş 3 əməkdaşı ölüb.
Son məlumatlara görə, Dağıstanda koronavirusa yoluxanların sayı 2086 nəfərə çatıb, onlardan 14-ü ölüb, 325-i sağalıb.