Daxili İşlər Nazirliyinin qarşısında orta yaşlı şəxs özünü yandırıb.

Nazirliyinin Mətbuat xidmətindən Trend-in sorğusuna cavab olaraq verilən məlumatda bildirilir ki, həmin şəxsi polis əməkdaşları söndürərək xəstəxanaya çatdırıblar.

“Həmin şəxsin evinin həyətində inşa etdiyi qanunsuz tikili yerli idarəetmə orqanları tərəfindən sökülüb. O da buna etiraz əlaməti olaraq nazirliyin qarşısına gələrək intihara cəhd edib. Baş vermiş hadisə Daxili İşlər Nazirliyinin fəaliyyəti ilə əlaqədar deyil”, - deyə məlumatda qeyd olunub.