Ötən gün şəhid olan Azərbaycan hərbçisi Orxan Novruzəlizadə Ağstafada torpağa tapşırılıb.

Trend xəbər verir ki, Ermənistanın son təxribatı nəticəsində şəhid olan O.Novruzəlizadənin cənazəsi Ağstafa rayonunda yaşadığı evə gətirilib.

Evdə vida mərasimi keçirilib, ruhuna dualar oxunub.

Sonra şəhidin nəşi izdihamla qəbristanlığa yola salınıb.

Qeyd edək ki, mayın 11-də Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Orxan Elxan oğlu Novruzəlizadə şəhid olub.