Qubada ölümlə nəticələnən yol-nəqliyyat hadisəsi baş verib.

APA-nın şimal bürosu xəbər verir ki, bu gün axşam saatlarında Quba-Xaçmaz yolunun Barlı kəndi ərazisindən keçən hissəsində 31 yaşlı Abbasov Elnur Mehdi oğlu idarə etdiyi motoblok ilə hərəkətdə olarkən idarəetməni itirib və “Vaz-2107” markalı avtomobilə çırpılıb.

O, özünü xilas etmək məqsədi ilə asfalt örtüyünə tullanıb, bu zaman H. Osmanovun idarə etdiyi “Ford Transit” markalı avtomobilin altında qalaraq müxtəlif dərəcəli bədən xəsarətləri alıb.

E. Abbasov Quba Rayon Mərkəzi Xəstəxanasına çatdırılsa da, tibb müəssisəsində ölüb.

Faktla bağlı araşdırma aparılır.