“Proseslərin davamı kimi ali məktəblərə və orta ixtisas məktəblərinə qəbul imtahanları da olacaq”.
Bunu Dövlət İmtahan Mərkəzinin Direktorlar Şurasının sədri Məleykə Abbaszadə bildirib.
Onun sözlərinə görə, hələ ki, bu imtahanlar elan olunmayıb, iyunun 5-dək sənəd qəbulu davam edəcək: “Bu gün saat 10.00-dək 75692 nəfər sənəd verib. Onların 12883 nəfəri əvvəlki illərin məzunlarıdır. Ali məktəblərə qəbul imtahanlarının vaxtını yalnız iyunun 5-dən sonra elan edə bilərik, çünki o vaxta qədər sənəd qəbulu davam edir. Sayı biləndən sonra dəqiq elan olunacaq".