Azərbaycanın neft sənayesinin əsas simvollarından biri olan “Çıraq” platformasından indiyədək 108 milyon tona yaxın neft hasil edilib.

"APA-Economics" xəbər verir ki, bu barədə Energetika Nazirliyinin məlumatında bildirilib.

Qeyd olunub ki, “Azəri-Çıraq-Günəşli” (AÇG) neft-qaz yataqları blokunda yerləşən “Çıraq” platformasından ilk neft hasilatına başlanılmasından 29 il ötür.

Məlumata görə, platformanın istismara verildiyi vaxtdan 2026-cı il noyabrın 1-dək burada 107,8 milyon ton neft və 25 milyard kubmetr qaz hasil edilib.

Xatırladaq ki, AÇG layihəsində iştirak payları aşağıdakı kimidir: BP – 30,37% (operator), AzACG (SOCAR) - 35,3%, MOL - 9,57%, “Inpex” - 9,31%, “ExxonMobil” - 6,79%, TPAO - 5,73% və “ONGC Videsh Ltd.” (OVL) – 2,92%.