Livan məhkəməsi Liviyanın mərhum lideri Müəmmər Qəddafinin oğlu Hannibal Qəddafinin 11 milyon dollar girov müqabilində azadlığa buraxılmasına qərar verib.

Xalqcebhesi.az-ın məlumatına görə, müvəkkilinin vəkili jurnalistlərə bildirib ki, oktyabrın 17-də Ədliyyə Sarayında keçirilən dindirmədən sonra istintaq hakimi bu qərarı verib.
Qəddafinin 50 yaşlı oğlu 2015-ci ildən Livanda həbsdədir. O, siyasi mühacirət həyatı yaşadığı qonşu Suriyadan olan Amal silahlıları tərəfindən qaçırılıb və sonra Livanın hüquq-mühafizə orqanlarına təhvil verilib. 2017-ci ildə müttəhimə qarşı 1978-ci ildə Liviyada yoxa çıxan şiə imamı Musa Sədr haqqında məlumatları gizlətməkdə ittiham edilib.