ABŞ Avropadakı müttəfiqlərindən İrana zərbə endiriləcəyi təqdirdə mümkün hədəflərlə bağlı kəşfiyyat məlumatları təqdim etməyi xahiş edib.

Xalqcebhesi.az xəbər verir ki, bu barədə 13 yanvar tarixində "The Washington Post" (WP) qəzeti məlumat yayıb.

Qəzetin Avropa rəsmilərinə istinadən verdiyi məlumata görə, ABŞ prezidenti Donald Tramp administrasiyasının nümayəndələri 12 yanvarda “ölkələrindən İrandakı mümkün hədəflər barədə kəşfiyyat məlumatlarını bölüşməyi xahiş ediblər”.

Eyni zamanda, mənbələrdən biri "WP"yə bildirib ki, “hazırda zərbənin nüvə obyektlərinə endiriləcəyinə dair heç bir göstəriş yoxdur”.

Məryəm Quliyeva